Kuhusu Sisi

Tunafanya tunachokiamini, na tunapenda tunachokifanya.

Sisi ni shirika la uhifadhi, lililojikita katika kuwezesha jamii kuwa wasimamizi wakuu na wanufaika wa kwanza wa rasilimali zao za asili.

Utambulisho wetu umejengwa juu ya msingi wa mafanikio yanayopimika, utamaduni wa ubunifu, na dhamira ya kimkakati ya kupanua utekelezaji wa mfano wetu uliothibitishwa Afrika Mashariki yote.

Honeyguide ndilo shirika pekee la uhifadhi nchini Tanzania linalojikita na kuwekeza kikamilifu katika mbinu jumuishi katika Jumuiya za Hifadhi za Wanyamapori (WMAs) ambazo zinasimamiwa na jamii.

MAADILI YETU

Maadili yetu yanaongoza kila nyanja ya maisha yetu ya kila siku na namna tunavyoshirikiana:

Uaminifu

Tunazingatia uwazi na tumejizatiti katika kujenga uhusiano wa muda mrefu, tukihakikisha kuwa matendo yetu yanaakisi dhamira yetu ya kweli.

Umakini

Jitihada zetu za pamoja zinaelekezwa katika kufanikisha malengo yaliyo wazi na yenye mwelekeo mahsusi.

Uadilifu

Sisi ni waaminifu katika shughuli zetu zote, tunathamini uwajibikaji, na tunajitahidi kutoa yaliyo bora zaidi, hata pale tunapofanya makosa.

Uwezo wa Kubadilika Kulingana na Hali

Unyumbulifu na ustahimilivu ni nguzo muhimu zinazotuongoza katika kukabiliana na mazingira ya kijamii na kisiasa yanayobadilika mara kwa mara.

Ubunifu

Tunahimiza fikra bunifu, kuchunguza suluhisho jipya la changamoto, na kutumia kwa manufaa zaidi teknolojia ya habari na mawasiliano.

Hadithi na Urithi

Urithi wa Honeyguide umejengwa na vinara wa ndani ambao wamebadilisha namna uhifadhi unavyoeleweka na kutekelezwa nchini Tanzania.

 

 

Utamaduni na Tabia

Honeyguide, ni wakweli katika namna tunavyofanya kazi, tukijenga uaminifu kupitia uhalisia.

Tunakaribisha kila mtu, tukijenga mazingira ambayo kila mmoja anahisi kuthaminiwa na kujumuishwa. Kujali ni msingi wa namna tunavyoshirikiana, tukihakikisha tunasikiliza na kuheshimu mahitaji pamoja na mitazamo ya wengine. Tunashiriki kikamilifu, tukichangia katika juhudi za pamoja za timu na kushirikiana kwa karibu na jamii tunazofanya nazo kazi. Tunajenga uhusiano wa kirafiki kwa kuleta ukarimu, uchangamfu na uwazi katika kila mazungumzo.

Zaidi ya hayo, tuna uelewa na maarifa ya kina kuhusu dhamira yetu na shughuli zetu, hivyo tunaweza kutoa mchango wenye tija, ushauri sahihi na msaada unaohitajika katika kila jambo tunalofanya.

 

Heshima kwa Jamii za Wenyeji

Honeyguide, tunaziona jamii za wenyeji kama washirika, si wanufaika.

Tunaheshimu ushirikiano wetu na wadau wengine, tukilenga kujenga uhusiano wa muda mrefu unaojengwa juu ya msingi wa uaminifu. Jamii ni wadau muhimu katika uhifadhi, na jukumu letu ni kuzisaidia kuongoza na kutekeleza suluhisho lao wenyewe. Kwa kusikiliza kwa makini mahitaji, mawazo na vipaumbele vyao, tunahakikisha kuwa zinakuwa mstari wa mbele katika kuleta maendeleo endelevu.

Kujizatiti katika Malengo

Ushirikiano wetu umejengwa juu ya mafanikio ya jamii za wenyeji tunazoshirikiana nazo.

Tunafanikiwa pale tu jamii zinapofanikiwa; ikiwa hazitafanikiwa, nasi tutakuwa hatujafanikiwa. Hatuongozwi na utekelezaji wa miradi pekee, bali na malengo ya muda mrefu. Tunajiona kama wataalamu tuliojizatiti kufanikisha malengo haya ya pamoja.

Kubadili Simulizi

Maneno hujenga mitazamo, na tuko makini kuhusu lugha tunayotumia.

Maneno kama “uwindaji haramu,” “uelewa,” na hata “jamii za wenyeji” yanabeba maana za kihistoria na kitamaduni ambazo tunaendelea kuzitathmini upya. Tunalenga kuwa waaminifu na sahihi katika matumizi yetu ya lugha, tukiakisi maana halisi ya maneno haya na kuwawakilisha washirika wetu kwa usahihi. Mabadiliko haya ya simulizi yanaanzia kwetu. Tunahoji mitazamo iliyojengeka kwa muda mrefu na kuwakilisha jamii.

Kufanya Unachosema

Utamaduni wetu unasisitiza uadilifu.

Honeyguide, tunapotoa ahadi, tunazitekeleza. Tunajiwajibisha wenyewe na kuhakikisha kuwa maneno yetu daima yanafuatiwa na vitendo.

Maendeleo Binafsi na Matamanio

Muendelezo wa kujifunza uko katika kiini cha tunachokifanya.

Si lazima kujifunza huko kutokane na mafunzo rasmi, kwani tunaiona kila siku kama fursa ya kujifunza. Tunahimiza na kuunga mkono hatari zilizopimwa kwa makini kwa sababu maono makubwa na ubunifu vinahitaji kutoka nje ya mazoea ya kawaida. Hata hivyo, jambo muhimu ni kukabiliana na hatari kwa makini, ili tuweze kukua na kuwa imara zaidi na wenye hekima zaidi hata pale makosa yanapotokea.

Ujumuishaji na Utofauti

Honeyguide inakuza mazingira jumuishi ya kazi ambayo yanathamini utofauti.

Iwe kupitia mtazamo wetu wa ushirikiano katika uhifadhi unaoongozwa na jamii au kupitia kuheshimu asili na tamaduni mbalimbali, tunajitahidi kujenga mazingira ambapo kila sauti inasikilizwa na kuheshimiwa.

Nembo na Utambulisho wa Taasisi

Honeyguide, tunaamini matendo yanazungumza zaidi kuliko nembo.

Kwa makusudi, tunapunguza utambulisho wetu wa taasisi ili kuakisi mtazamo wetu wa unyenyekevu na kuiweka jamii mbele. Kuweka nembo kwenye mali za jamii kama vile magari au majengo kunaweza kuleta mgawanyiko wa “sisi dhidi yao,” bila kukusudia na kuashiria umiliki badala ya ushirikiano. Lengo letu ni kuimarisha uongozi wa jamii husika, si kuufunika.

Ingawa tunaweza kutumia nembo yetu kwa mawasiliano ya wazi kwa wadau wa nje, tunaepuka kuitumia kwenye maeneo tunayofanya kazi ili kuimarisha ushirikiano wa kweli na kuzuia vikwazo vya ushindani na mashirika mengine. Kila jambo tunalofanya linaongozwa na swali rahisi: “Je, hili linaisaidia jamii, au linatutangaza sisi?” Kwetu, mafanikio ya kweli hupimwa kwa athari chanya kwa jamii, si kwa umaarufu wa taasisi.

Habari Zetu Mpya